Dy shqiptarë në Greqi u arrestuan nga policia pasi akuzohen se janë pjesë e një grupi që grabit dyqanet në zonën e Atikës.

Sipas policisë greke, janë gjetur prova të mjaftueshme që të çojnë tek shqiptarët teksa është shpallur në kërkim dhe një person tjetër.

Ata dyshohet se janë autorë të 11 vjedhjeve e grabitjeve në dyqane të ndryshme. Autoritetet greke kanë zbuluar dhe skemën që ato përdornin.

Zakonisht grabitësit lëviznin me motorë. Një prej tyre qëndronte gjithmonë jashtë dyqanit për të sinjalizuar të tjerët nëse vjen policia ose jo.

Materialet procedurale u dërguan në Prokurorinë e Athinës për veprime të mëtejshme