Pas 2 vitesh në ‘luftë’ me njëri-tjetrin kryetari i bashkisë Vlorë Dritan Leli dhe kreu i qeverisë Edi Rama janë bërë bashkë në sheshin e Flamurit. Edhe pse nuk e përshëndetën njëri tjetrin, protokolli i presidencës i bën bashkë ata në ceremoninë e ngritjes së flamurit.
Sot në 110 vjetorin e shpalljes së pavarësisë së vendit, Presidenti i Shqipërisë Bajram Begaj, presidentja e Kosovës Vjosa Osmani, kryeministri i Shqipërisë Edi Rama dhe kryeministri i Kosovës, Albin Kurti morën pjesë në ceremoninë e ngritjes së flamurit.
