Të paktën 176 persona kanë humbur jetën nga përmbytjet në Republikën Demokratike lindore të Kongos.

Shiu i rrëmbyeshëm në provincën e Kivu-së Jugore shkaktoi vërshimin e një lumi ditën e djeshme dhe çoi në dëme të konsiderueshme dhe humbje jetësh në fshatrat Bushushu dhe Nyamukubi.

Guvernatori i Kivu-së Jugore Théo Ngëabidje Kasi tha se numri i të vdekurve ishte 176, teksa shtoi se dhjetëra të tjerë janë ende të zhdukur. Një anëtare e shoqërisë civile lokale, Kasole Martin, tha se ishin gjetur 227 trupa. “Njerëzit po flenë jashtë. Shkollat ​​dhe spitalet janë fshirë”, tha Martin.

Fotot që qarkullojnë në internet, tregojnë shtëpi të rrafshuara dhe çati prej hekuri të valëzuar që dilnin nga poshtë shtresave të trasha të baltës.