Pas deklaratave të kryeministrit Edi Rama për shtimin e një feste në kalendarin e festave zyrtare, Këshilli i Ministrave ka bërë fakt vendimin për të shpallur 22 nëntorin si “Ditën e Alfabetit”. Ministri për Europën dhe Punët e Jashtme, Igli Hasani, ka bërë të ditur këtë njoftim, duke thënë se kjo është një iniciativë që do të bashkojë shqiptarët rreth gjuhës së tyre.

“Këshilli i Ministrave po i propozon që 22 nëntori të jetë Dita e Alfabetit, një ditë pushim. Ajo që bashkon shqiptarët është gjuha. Në kongresin e Manastirut zgjodhën të shkruajnë dhe të identifikohen nga kjo gjuhë e shenjtë. Kryeministri e njoftoi këtë fakt në samitin e Diasporës.”, u shpreh ministri Hasani.

Kjo njoftim vjen pas kongresit të Manastirut, ku komuniteti shqiptar vendosi të përdorte alfabetin latin për shkrim dhe identifikim kombëtar. Vendimi për të shpallur 22 nëntorin si “Dita e Alfabetit” synon të theksojë rëndësinë e gjuhës shqipe dhe të bashkojë shqiptarët rreth trashëgimisë kulturore dhe historike të saj.