Antidroga e Tiranës ka arrestuar Kristian Buçin brenda parkingut të QSUT, pas një hetimi disa-mujor që kishte nisur ndaj tij. Buçi dyshohet për shpërndarjen e kokainës, dhe pas një operacioni të koduar “Interruption”, ai u kap në flagrancë.

Njoftimi i policisë:

DVP Tiranë/ Finalizohet pas disa muajsh hetimesh nga Sektori për Hetimin e Narkotikëve, operacioni policor i koduar “Interruption”.
Gjatë kontrollit të ushtruar në automjetin dhe në banesën e shtetasit K. B., 22 vjeç, banues në Tiranë, janë gjetur rreth 900 gramë kokainë, që ai e posedonte me qëllim shpërndarjen dhe shitjen. Po ashtu, është sekuestruar një sasi municioni luftarak në banesën e tij.
Ky operacion është finalizuar pas një hetimi proaktiv, në kuadër të luftës kundër tregtisë së drogës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Tiranë.

Gjatë operacionit, shërbimet e Policisë kanë ushtruar kontroll në automjetin e këtij shtetasi, në rrugën “Kongresi i Manastirit”, dhe më pas në banesën e tij, ku kanë gjetur dhe sekuestruar rreth 900 gramë kokainë dhe municion luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.