Vetëm njëzet e katër orë përpara se Celine Dion të anulonte turneun e saj botëror për arsye shëndetësore, këngëtarja shiti në heshtje një rezidencë luksoze në Las Vegas për 30 milionë dollarë.

Sipas faqes së internetit “Dirt”, prona në fjalë ndodhet në një kompleks luksoz prej 555 hektarësh në Las Vegas, që ka katër dhoma gjumi dhe 12 banja. Ai e bleu në fund të vitit 2017 për shumën 9.2 milionë euro dhe nuk ka jetuar kurrë në të.

Sipas publikimit, blerësi thuhet se është Chuck Esherman, themelues dhe CEO i një prej firmave më të mëdha të kapitalit privat dhe gruaja e tij Yvette. Këngëtarja e famshme, e cila vitin e kaluar njoftoi se vuan nga Sindroma e Personit të ngurtë (SPS), një sëmundje e rrallë neurologjike, zotëron disa shtëpi në mbarë botën, si në Florida, Kanada dhe Paris.

Vitet e fundit ajo jeton me tre djemtë e saj në një rezidencë mbresëlënëse që e bleu në vitin 2003, në qytetin Henderson, Las Vegas. Gjendja shëndetësore e Celine Dion ka shkaktuar shqetësim pas anulimin të turneut të saj botëror. Në dhjetor ajo kishte njoftuar tashmë se kishte anuluar disa data të turneut të saj evropian.

Ajo postoi një foto të datave të turneut të anuluar dhe tha: “Me zhgënjim të madh duhet të njoftojmë sot anulimin e turneut botëror. Më vjen shumë keq që ju zhgënjej të gjithëve edhe një herë. Po punoj shumë për të rikthyer forcën time, por turneu mund të jetë vërtet i vështirë edhe kur nuk jeni në 100% të formës tuaj. Nuk është e drejtë për ju djema të vazhdoni të shtyni koncertet, dhe megjithëse më thyen zemrën. Dua që të gjithë ta dini se nuk po dorëzohem… dhe mezi pres t’ju shoh përsëri!’.