Dy vëllezër janë kapur nga policia në Rrëshen. Ata quhen Besnik dhe Prengë Gjoka, përkatësisht 39 dhe 29 vjeç.

Policia njoftoi se kishte grumbulluar se ata të dy do të kryenin një ngjarje kriminale kundër një personi.

Policia sekuestroi 1 kallashnikov me fishekë në fole gati për qitje dhe 1 pushkë. 39 vjeçari Besnik Gjoka ishte i dënuar më parë për veprën penale “Dhuna në familje”.

Në rastin e dytë u arrestua Nikollë Karaqi, pasi u kap me kallashnikov me fishekë në fole, në kuadër të operacionit “Fani”, ndërsa iu sekuestrua kallashnikovi, 11 krehra dhe municion luftarak.

Njoftimi i policisë:

Në Rrëshen, në kuadër të operacionit “Repsi”, bazuar në informacionet e siguruara se 2 shtetas qarkullonin me armë dhe dyshohet se do të kryenin një ngjarje kriminale kundër personit, shërbimet e Policisë kanë ndërhyrë dhe kanë kapur në flagrancë, në hyrje të Rrugës së Kombit, shtetasit B. Gj. dhe P. Gj. Gjatë kontrollit fizik, këtyre shtetasve iu gjetën 1 armë zjarri kallashnikov me fishekë në fole gati për qitje dhe 1 armë zjarri pushkë.