Një 34-vjeçar shqiptar është arrestuar sot nga policia italiane teksa po përpiqej të kalonte kufirin drejt Austrisë. Ai u ndalua në qytetin Bolzano, ku policia filloi një hetim të thelluar.
Komisariati i Policisë së Bolzanos njoftoi se shqiptari rezultoi me precedentë të mëparshëm kriminal, kryesisht për trafik droge. Në vitin 2022, ai ishte dëbuar nga Italia nga autoritetet e Monzës dhe Barit dhe ishte kthyer në Shqipëri. Pasi kishte marrë një pasaportë të re shqiptare me të dhëna të ndryshuara, ai u rikthye në Itali ilegalisht, çka e çoi në arrestimin e tij sot.
