4 shtetas kinezë janë ndaluar nga policia e Fierit në fillim të këtij muaj nën dyshimin e spiunazhit

. Mësohet se këta shtetas janë shoqëruar më 6 tetor, pasi dyshoheshin se kanë fotografuar në zonë, objekte të rëndësisë së veccantë. Menjëherë pas marrjes së këtij informacioni policia ka shkuar në zonë dhe ka bërë shoqërimin e shtetasve kinezë në komisariat. Ata janë marrë në pyetje nga agjentë të antiterrorit dhe policia e Fierit, duke mohuar se kanë qëllim spiunazhin.

Sipas tyre ata kanë ardhur në Shqipëri, për punë. Pas verifikimit rezultoi se 4 shtetasit kinezë ishin punonjës të një kompanie nafte në qytetin e Fierit.

Pas verifikimit të bluve të Fierit rezultoi se ata ishin me dokumetacion të rregullt. Pas marres së deklarimeve, shtetasit e huaj janë liruar.

Sipas informacioneve, shtetasit kinezë vijojnë të jenë në survejim të autoriteteve, ku për rastin përveç antiterrorit është vënë në dijeni edhe Shërbimi i Intelegjentës shqiptare për këtë rast, ku shtetasit e dyshuar për spiunazh viojnë të jenë në vëzhgim.

Ky nuk është rasti i parë i dyshimeve pwr spiunazh në vendin tonë. Në muajin gusht autoritetet arrestuan 3 persona , dy rusë dhe një ukrainas pasi tentuan të futen në uzinën e armëve në Gramsh. Njëri prej tyre u pikos nga ushtari roje, ku për ti shpëtuar e spërkati dhe me sprite, por u neutralizua nga kolegët e tij. Ndërsa një ditë më pas në Policcan të dyshuar për spiunazh u shoqëruan në komisariat 4 turistë ccekë, por pas verifikimeve ata u liruan.