Kryeministri Edi Rama ka reaguar pas mbërritjes në Shqipëri të dy avionëve të tjerë me refugjatë afganë, që sollën 182 afganë të tjerë të rrezikuar nga talebanët në Afgaistan, duke e çuar në 457 numrin në total.
Teksa publikon foto të afganëve, që kanë ardhur në vendin tonë, Rama thekson se ka arritur në 457 numri i të shpërngulurve nga lufta.
Me anë të një postimi, kreu i qeverisë thotë se këta qytetarë janë shpërnguluar nga lufta dhe janë mikëpritur në vendin tonë. Sipas tij, në gjithë opinionin ndërkombëtar, tashmë po flitet me admirin për Shqipërinë e besës.
“Arrin në 457 numri i afganëve që shpërngulen nga lufta dhe mikpriten në Shqipërinë e besës e të respektit për kujtesën, traditën, vetveten, për të cilën sot flitet me admirim në gjithë opinionin ndërkombëtar🙏 #KrenarpërShqipërinë🇦🇱”, shkruan Rama.
