Një 62-vjeçar në Sarandë ka humbur jetën gjatë punës në një hotel, pasi dyshohet se është rrëzuar aksidentalisht. Dyshohet se ngjarja ka ndodhur për shkak të shkeljes së rregullave të mbrojtjes në punë nga ana e pronarit, për të cilin ka filluar procedimi penal.

Materialet procedurale i kaluan Prokurorisë, për veprime të mëtejshme.

Njoftimi i Policisë:

DVP Vlorë

Specialistët për Hetimin e Krimeve të Komisariatit të Policisë Sarandë referuan materialet në Prokurori ku nisi procedimi në gjendje të lirë për shtetasin H. H., 74 vjeç, banues në Sarandë, pasi dyshohet se për shkak të shkeljes së rregullave të mbrojtjes në punë, në hotelin në pronësi të tij, gjatë procesit të punës, është rrëzuar aksidentalisht shtetasi E. K., 62 vjeç, i cili për shkak të dëmtimeve të marra, ka humbur jetën. Vijon puna për dokumentimin e plotë ligjor të këtij rasti.

Materialet procedurale i kaluan Prokurorisë, për veprime të mëtejshme.