Një ngjarje tronditëse ka ndodhur këtë të dielë në Vlorë, ku një 68-vjeçar, Bashkim Durmishi, është gjetur i pajetë në banesën e tij. Sipas informacioneve nga policia, dyshohet se Durmishi ka pësuar arrest kardiak. Trupi i 68-vjeçarit do të transportohet në morg për një ekspertizë mjekoligjore, për të përcaktuar saktësisht shkakun e vdekjes dhe dëmtimet që janë konstatuar në fytyrë.
Fqinjtë e tij kanë folur për mediat, duke zbuluar detaje të jetës së tij. Ata kanë thënë se Durmishi jetonte i vetëm pasi ishte ndarë nga gruaja, ndërsa fëmijët e tij jetonin jashtë shtetit. Një nga fqinjtë tha se ai kishte dy fëmijë, të cilët ishin jashtë vendit, dhe se ai jetonte vetëm pasi gruaja e tij ishte martuar me një tjetër. Sipas fqinjeve, ai kishte motrat afër, por jetonte i vetmuar në banesën e tij.
