Një 69-vjeçar u arrestua nga policia në provincën e Katanias, Itali, pasi tentoi një sulm seksual ndaj një turisteje ruse 57-vjeçare.
Ngjarja ndodhi ndërsa turistja po bënte banjë dielli mbi një shkëmb. Gruaja u përpoq të mbrohej duke tentuar të godasë agresorin me një gur.
Ndërhyrja e policisë shpëtoi turisten dhe arrestoi 69-vjeçarin. Turistja, e cila kishte gërvishtje të dukshme në trup, u transportua në spitalin Cannizzaro.
Agresori gjithashtu u dërgua në spital për dëmtime në kokë dhe do të përballet me akuzat e sulmit seksual.
