Ish kryetari i partisë Socialiste, Fatos Nano ka festuar ditën e sotme 70 vjetorin e lindjes. Urimet nga ish kolegët të tij dhe politikanë të ndryshëm nuk munguan.

Ndërkohë, nipi i tij, Redjal Krrali i cili është njëkohësisht edhe kryetari i bashkisë së Kavajës ka publikuar foto nga festa e organizuar për ish kryeministrin. Foto i ka shoqëruar me një mbishkrim ku thotë se pa këshillat e Nanos rrugëtimi i tij nuk do kishte qenë i njëjtë.

Postimi i plotë:

Mentori im!
Të qofshin të shumta vitet dhe i gëzofsh me zemrën plot!
Ky rrugëtim i imi nuk do të kishte qenë i njejti pa mbështetjen, bekimin dhe këshillat e tua!
Kam mbledhur çdo urtësi tënden që ma ke dhuruar me shumë bujari në çdo takim a bisedë të gjatë që shkëmbejmë bashkë dhe i ruaj si pasurinë më të vyer!
Shëndet e jetë të gjatë!