Në mbledhjen me dyer të mbyllura të grupit parlamentar të PD, deputeti Gazment Bardhi ka propozuar që marrëveshja për emigrantët mes Shqipërisë dhe Italisë të dërgohet në Gjykatën Kushtetuese. Bardhi argumentoi se, bazuar në analizën e ekspertëve, është e nevojshme të mbrohet interes publik. Ai gjithashtu ka shprehur përkushtimin për të vazhduar aksionin opozitar, duke thënë se qëndresa e tyre shërben interesit të qytetarëve dhe duhet të vijojë edhe më fuqishëm. Propozimi vjen në kontekstin e marrëveshjes së re për trajtimin e emigrantëve midis Shqipërisë dhe Italisë.

Gazmend Bardhi:

Propozoj dy çështje për të diskutuar në mbledhjen e sotme. E para lidhet me çështjen e marrëveshjes së emigrantëve dhe tjera për aksionin opozitar. Se pari, mendoj se bazuar në analizën e ekspertëve, propozoj që marrëveshja të dërgohet para ratifikimit në Gjykatën Kushtetuese.

Unë besoj se opozita e ka për detyrë të mbrojë interesin publik. Megjithatë jam i hapur për të dëgjuar vlerësimin e secilit koleg. Sa i takon aksionit opozitar besoj se qëndresa jonë i shërben interesit të qytetarëve dhe ajo duhet të vijojë edhe më fuqishëm