Një 78-vjeçar ka humbur jetën pasditen e sotme në aksin rrugor Poshnje-Kutalli. Policia bën me dije se viktima me iniciale V.L., banues në Dimal është gjetur nga bashkëshortja e tij pa shenja jete.

Deri më tani dyshohet se 78-vjeçari mund të jetë rrëzuar nga biçikleta, pasi vuante nga probleme të ndryshme shëndetësore.

Deklarata e policisë:

Më datë 02.11.2022, rreth orës 19:00, në aksin rrugor Poshnje-Kutalli, në vendin e quajtur “Qafa e Sqepurit”, në anë të rrugës, është gjetur nga bashkëshortja, pa shenja jete dhe nga këqyrja paraprake pa shenja dhune, shtetasi V.L., 78 vjeç, banues në fshatin Poshnje, Dimal.
Nga të dhëna e para dyshohet se 78- vjeçari ka humbur jetën, pasi është rrëzuar aksidentalisht nga biçikleta, pasi vuante nga probleme shëndetësore.
Grupi hetimor po punon për zbardhjen e rrethanave të ngjarjes.