Një ngjarje tragjike ka ndodhur në Durrës, ku një i moshuar është gjetur i vdekur në banesën e tij. Bëhet fjalë për 82-vjeçarin Paulin Gina, i cili, sipas të dhënave paraprake, ka pasur disa plagë thike në pjesën e fytyrës. Ngjarja ka ndodhur në lagjen 16 të qytetit, dhe viktima jetonte i vetëm pasi të afërmit e tij ndodheshin në Itali.

Familjarët e tij kanë përpjekur të kontaktojnë 82-vjeçarin, por pasi nuk kanë marrë përgjigje, ata kanë telefonuar menjëherë policinë. Forcat e rendit janë paraqitur në vendin e ngjarjes dhe e kanë gjetur të moshuarin pa shenja jete. Policia dhe grupi hetimor janë duke punuar për zbardhjen e plotë të rrethanave të krimit dhe identifikimin e autorëve.