Me 15 vota pro nënkryetarja Blerina Bala u zgjodh kryetare e komanduar për Himarën deri në zgjedhjet e ardhshme.Në një reagim me shkrim ajo bëri ftesë për bashkëpunim për të mirë të Himarës në prag të këtij sezoni veror.
“Se pari, lejoni të bëj një falënderim të veçantë për besimin që më është dhënë sot. Në muajt në vijim, fokusi i bashkisë Himarë do të jetë e përqendruar në punë me qëllim përmbushjen e objektivave dhe synimeve, sidomos referuar sezonit turistik. Jam e ndërgjegjshme se asnjë punë nuk bëhet vetëm, ndaj mendoj se pas 10 muajsh të vështirë, Himara meriton që mes aktorësh vertikalë dhe horizontalë të ketë bashkëpunim sa më të ngushtë dhe mbështetje sa më të madhe. Ju faleminderit.”
Nga 21 anëtarë, 15 prej tyre kanë votuar pro. Konkretisht Bala mori 9 vota e këshilltarëve të PS, 1 PSD, 1 Mega, 1 LZHK, 1 PD, 1 Rithemelimi, 1 Partia e Lirisë. 4 anëtarë të këshillit nuk votuan, mes tyre edhe bashkëshorti i Blerina Balës, i cili është këshilltar i Aleanca Arbnore Kombëtare (AAK).
