Ish-presidenti Donald Trump ka firmosur një urdhër ekzekutiv të ri, duke ndaluar valëvitjen e flamujve LGBTQ+ dhe atyre të lëvizjes Black Lives Matter (BLM) në ndërtesat diplomatike të Shteteve të Bashkuara.

Vendimi, i marrë nga Departamenti i Shtetit, përcakton se vetëm flamuri amerikan mund të shfaqet në objektet e SHBA-së, si brenda vendit ashtu edhe jashtë tij.

Sipas burimeve të Washington Free Beacon, në urdhër thuhet se flamuri amerikan bashkon të gjithë qytetarët nën parimet e drejtësisë, lirisë dhe demokracisë.

Ky vendim është parë si një ndryshim i qartë nga politika e administratës së mëparshme, e cila kishte lejuar flamujt e komunitetit LGBTQ+ dhe lëvizjes BLM në misionet diplomatike amerikane.