Agjencia e Mbikëqyrjes Policore (Rajoni Elbasan-Korçë) ka ekzekutuar urdhrin e Prokurorisë për arrestimin e dy punonjësve të policisë në Elbasan, të akuzuar për korrupsion dhe shpërdorim detyre.

Gjykata e Shkallës së Parë e Juridiksionit të Përgjithshëm Elbasan ka vendosur masën e sigurimit “Arrest në shtëpi” për:

🔹 Inspektor N. XH., punonjës policie në Komisariatin e Policisë Elbasan.
🔹 Inspektor E. K., punonjës policie në Sektorin e Policisë Rrugore Elbasan.

Hetimet e thelluara të AMP-së, në bashkëpunim me Prokurorinë, kanë siguruar prova që ngrejnë dyshime të arsyeshme për përfshirjen e tyre në veprime korruptive dhe shpërdorim të detyrës. Procedimi penal ka nisur në vitin 2024 dhe tashmë po vijon për zbardhjen e plotë të çështjes.