Ish-konkurrenti i Big Brother VIP Albania, Redoni, ishte i ftuar në emisionin “E Diell” në Top Channel, ku foli për eksperiencën e tij në shtëpi dhe raportin me Eglin. Ai theksoi se, për shkak të kohës së shkurtër në lojë, krijoi vetëm një lidhje të afërt, pikërisht me Eglin, të cilën e mbështet.

Reagimi për mesazhin në “Big Love”

Gjatë intervistës, Redoni u shfaq i habitur nga një mesazh i shfaqur në “Big Love” në emër të tij, duke mohuar çdo përfshirje dhe duke theksuar se dikush e ka përdorur emrin e tij pa dijeni.

“Për hir të vërtetës, nuk kam çuar mesazh, nuk kam qenë ai unë,” u shpreh ai.

“Por nëse është përdorur emri im për diçka pozitive, atëherë s’kam asgjë kundër.”

“Më ka ardhur keq që është përdorur emri im në atë aspekt, që mund të më dëmtojë ndonjë raport që mund të jem duke e krijuar.”

Redoni nuk përjashtoi mundësinë që situata të ketë ndikim në raportet e tij personale, por qëndroi i hapur për çdo efekt pozitiv që mund të ketë sjellë ky keqkuptim.