Vendimi i Apelit të Posaçëm për kryebashkiakun e Tiranës, Erion Veliaj, është shtyrë për nesër (12 mars). Ky zhvillim erdhi pas kërkesës së avokatëve të Veliajt për më shumë kohë për t’u njohur me provat e reja të paraqitura nga prokurorët e çështjes, Ols Dado dhe Altin Dumani.

Sipas gazetares Klodiana Lala, provat e reja mund të ndikojnë negativisht në kërkesën e Veliajt për liri, duke rënduar pozitën e tij. Veliaj ka kërkuar që të lirohet duke argumentuar se nuk ka mundësi të prishë provat dhe se do të mund të vazhdojë punën nëse lirohet nga paraburgimi.

Ndërkohë, gjatë seancës së sotme, Veliaj nuk ka paraqitur argumentet e tij para trupit gjykues, ndërsa çështja mbetet e hapur për vendimin e nesërm.