Elon Musk ka humbur rreth 29 miliardë dollarë në një ditë për shkak të rënies së aksioneve të Tesla-s, siç raportohet nga Indeksi i Miliarderëve të Bloomberg. Kjo rënie përbën 6.7% të pasurisë së tij, dhe që nga fillimi i vitit, ai ka humbur tashmë 132 miliardë dollarë, që përbën 30.5% të pasurisë së tij.

Aktualisht, pasuria e Musk është afërsisht 301 miliardë dollarë. Sipas Yahoo Finance, aksionet e Tesla-s janë ulur me 15.4%, duke arritur në 222.2 dollarë për aksion, një rënie e ndjeshme krahasuar me çmimin e mbylljes së mëparshëm.

Mediat amerikane sugjerojnë se veprimet e Departamentit të Efiçencës Qeveritare (DOGE), që mbikëqyret nga Musk, kanë nxitur reagime kundër Teslës në Shtetet e Bashkuara. Rënia e aksioneve ka ardhur pas vendosjes së tarifave të reja nga Donald Trump për produktet nga Kanadaja dhe Kina, dy tregje të rëndësishme për Tesla-n.

Nëse Musk humb edhe 116 miliardë dollarë të tjerë, ai mund të humbasë titullin e njeriut më të pasur në botë, duke e lënë këtë vend për Jeff Bezos, themeluesin e Amazon, i cili vlerësohet të ketë një pasuri prej 216 miliardë dollarë.

Në këtë kontekst, Donald Trump ka shprehur mbështetje të fortë për Elon Musk. Ai deklaroi në Truth Social se do të blejë një Tesla të re për të mbështetur Musk, duke theksuar se veprimet e Musk për ndihmën ndaj Amerikës janë të rëndësishme dhe se ata që e sulmojnë po dëmtojnë gjithçka që ai përfaqëson.