Një ngjarje e rëndë ka tronditur komunitetin shqiptar në Greqi. Një 53-vjeçar shqiptar ka vrarë me thikë bashkëshorten e tij 44-vjeçare në Selanik.

Sipas raportimeve të mediave greke, ngjarja ka ndodhur në banesën e çiftit, ku burri ka qëlluar gruan e tij disa herë me thikë në bark, duke i shkaktuar vdekjen. Pas krimit, ai është hedhur nga ballkoni i katit të dytë, duke mbetur i plagosur rëndë.

53-vjeçari është transportuar menjëherë në spitalin Papanikolaou, ku ndodhet nën kujdesin e mjekëve. Autoritetet greke kanë nisur hetimet për zbardhjen e plotë të rrethanave të kësaj tragjedie familjare.