Një aksident i rëndë ka ndodhur mbrëmjen e sotme në aksin nacional Bulqizë-Fushë Bulqizë, në vendin e quajtur Ura e Qytetit Valikardhë.

Sipas burimeve, një mjet tip fuoristradë që po transportonte një familje (burrë, grua dhe katër fëmijë) ka dalë nga rruga, duke sjellë pasoja tragjike. Si pasojë e aksidentit, ka humbur jetën nëna, e identifikuar si Matilda Zogu, ndërsa një nga fëmijët është plagosur rëndë.

Pesë anëtarët e tjerë të familjes janë transportuar me urgjencë drejt Spitalit të Bulqizës, ku po marrin ndihmën mjekësore.

Aktualisht, policia ndodhet në vendngjarje dhe ka nisur hetimet për të zbardhur shkaqet e aksidentit.