Të shumtë janë qytetarët që janë mbledhur në qendrën e Shtipit për të nderuar 59 personat që humbën jetën në tragjedinë e zjarrit në një diskotekë në Koçan, Maqedoni e Veriut. Ata kanë ndezur qirinj dhe vendosur fotografi në kujtim të viktimave, duke shprehur solidaritetin dhe dhimbjen për humbjen e jetëve.
Në orët e para të mëngjesit të djeshëm, diskoteka në Koçan u përfshi nga flakët pas shpërthimit të fishekzjarreve, duke shkaktuar vdekjen e 59 personave dhe plagosjen e 155 të tjerëve. Tragjedia ka tronditur të gjithë vendin, duke sjellë një ditë zie për Maqedoninë e Veriut.
