Kryeministri Edi Rama ka kritikuar Partinë Demokratike gjatë një takimi me të rinjtë në Fier, duke e quajtur listën e kandidatëve të saj si një “listë për në opozitë”. Sipas tij, periudha parazgjedhore po shoqërohet me “shitje qilimash fluturues”, duke i cilësuar premtimet e partive në garë si të pambështetura dhe të paqarta.

Rama theksoi se shqiptarët duhet të distancohen nga “kënetat” e mëparshme dhe të mos i japin mundësinë që të rikthehen në pushtet. Ai gjithashtu përmendi se Partia Socialiste ka realizuar një vlerësim të thelluar për kandidatët, përfshirë ata që kanë kontribuar, si dhe ata që janë zgjedhur pa pasur një angazhim të drejtpërdrejtë në parti.

“Populli jo vetëm që duhet të shkëputet nga këneta për Shqipërinë në 11 maj, por nuk i jep kënetës një shans të ripërtërihet sërish. Ne nuk kemi bërë primare, janë si papare jo si primare. Në këtë grup është bërë një vlerësim si asnjëherë më parë i atyre njerëzve që vijnë nga kontributi në parti, ashtu si atyre që nuk kanë kontribuar por janë përzgjedhur.
Ne kemi njerëz që kanë qenë me PD në pararojë, por e kanë kuptuar. Shihni ca ndodh me ta, ata që fituan i lënë jashtë. Kryetari i partisë në Kavajë del i pari dhe e lënë jashtë. Lista e kënetës është listë për të qenë në opozitë. Vetëm recitojnë kuak kuak.

Është bërë për të dalë jo të clirojë tiktokun, por për të thënë na i vodhën. Pse duhet demokratët dhe ata që mund të kenë shumë arsye të drejta të mso jenë të kënaqur me ne, për një grup që funksion si grup interesi i ngushtë? Kjo periudhë është periudhë shitjesh qilimash fluturues.”