Kryeministri Edi Rama ka prezantuar kandidatët e Partisë Socialiste për zgjedhjet e 11 majit në Berat, duke theksuar se kryetarët e bashkive nuk duhet të ndërhyjnë në garën elektorale dhe të shprehin preferenca për kandidatët. Ai ka kërkuar që të gjithë kryebashkiakët të jenë të angazhuar dhe të mbështesin PS-në dhe numrin 5 në fletën e votimit.

“Dua t’ju them kryetarëve të bashkive se duhet të jenë në dispozicion të PS-së dhe të numrit 5. Më pëlqen shumë ky numër, sepse është tamam 5 me 1,” theksoi Rama, duke bërë një parashikim për fitore.

Kryeministri theksoi gjithashtu se zgjedhjet janë për një përfaqësim të gjerë në Parlament, dhe jo për një deputet të një zone të caktuar. Ai bëri batuta me deputetin Fadil Nasufi, duke e cilësuar si “njeri të maratonave dhe jo të sprinteve,” dhe duke nënvizuar se në fund të maratonës fitojnë ata që angazhohen më shumë.

Rama përfundoi duke theksuar rëndësinë e angazhimit të strukturave të PS dhe mbështetjes së tyre për të arritur një rezultat të suksesshëm më 11 maj.