Ish-presidenti i Shteteve të Bashkuara, Donald Trump, ka bërë sërish deklarata të forta në lidhje me Grenlandën, duke e cilësuar atë si një pikë strategjike për sigurinë ndërkombëtare.

Në një deklaratë të fundit, Trump ka theksuar se SHBA ka nevojë për Grenlandën, si për mbrojtje ashtu edhe për qëllime sulmuese.

“Ne kemi nevojë për Grenlandën për sigurinë ndërkombëtare. Ky është një ishull që na nevojitet nga një perspektivë mbrojtëse dhe sulmuese. Unë e urrej ta them, por ne do të duhet ta marrim”, është shprehur Trump.

Edhe gjatë presidencës së tij, Trump kishte shfaqur interes për blerjen e këtij ishulli, duke nxitur reagime të ashpra nga Danimarka, e cila e quajti këtë ide “absurde”. Megjithatë, SHBA ka pasur një prani ushtarake në Grenlandë për dekada, përfshirë bazën ajrore strategjike të Thules, e cila luan një rol të rëndësishëm në sistemin e mbrojtjes raketore amerikane.

Deklaratat e Trump pritet të nxisin sërish debat në arenën ndërkombëtare mbi rëndësinë strategjike të Grenlandës dhe rolin e SHBA-së në Arktik.