Një ngjarje e rëndë ka ndodhur mbrëmjen e 29 marsit 2025 në qytetin e Pogradecit, në lagjen nr. 3. Sipas informacioneve paraprake, një konflikt fizik mes dy shtetasve ka përfunduar me lëndimin e njërit prej tyre. Shtetasi L. O. dyshohet se ka goditur me mjet prerës shtetasin M. T., 36 vjeç, i cili ka marrë dëmtime dhe është dërguar menjëherë në spital për ndihmë mjekësore. Aktualisht, gjendja e tij shëndetësore mbetet e paqartë.
Policia ka nisur kërkimet për shtetasin L. O., i cili është larguar nga vendngjarja pas incidentit. Grupi hetimor, nën drejtimin e Prokurorisë, po punon intensivisht për zbardhjen e plotë të rrethanave të ngjarjes dhe për dokumentimin ligjor të saj. Hetimet janë në vazhdim dhe autoritetet po merren me identifikimin e mundshëm të personave të tjerë të përfshirë.
