Gastroenterologu Saurabh Sethi rekomandon që gratë mbi 30 vjeç të përfshijnë në dietën e tyre lulelakrën, kërpudhat dhe çajin jeshil, për të përmirësuar shëndetin dhe cilësinë e jetesës.

Lulelakra është e pasur me lëndë ushqyese që ndihmojnë në forcimin e trurit, humbjen e peshës dhe detoksifikimin e trupit. Përbërësit e saj antioksidantë dhe prania e squfrit ndihmojnë në largimin e metaleve të rënda dhe zvogëlojnë rrezikun e sëmundjeve neurodegjenerative si Alzheimeri.

Kërpudhat ndikojnë pozitivisht në shëndetin e trurit dhe sipas mjekut Sethi, ngrënia e tyre disa herë në javë mund të zvogëlojë rrezikun e Alzheimerit deri në 60%. Ato janë të pasura me substanca mbrojtëse për trurin dhe ndihmojnë në forcimin e funksioneve të tij.

Çaji jeshil është një tjetër superushqim që përmban polifenolë me efekt anti-inflamator, të cilët ndihmojnë në parandalimin e sëmundjeve të lidhura me plakjen. Studimet kanë treguar se ai mund të reduktojë simptomat e demencës, të ndihmojë në menaxhimin e ankthit dhe në humbjen e peshës, falë përbërësve si kafeina dhe L-tiamina.

Përveç këtyre, mjeku Sethi rekomandon eliminimin e ushqimeve të përpunuara, të skuqura dhe pijeve joalkoolike, pasi ato ndikojnë negativisht në florën mikrobike dhe shëndetin në përgjithësi.