Një grua shtatzënë, e shpëtuar nga ekipet e shpëtimit pas 50 orësh nën rrënojat e një ndërtese të shkatërruar në Mandalay, Mianmar, ka ndërruar jetë, duke tronditur dhe më tej shifrat e viktimave nga tërmeti 7.7 Rihter. 35-vjeçarja Mathu Tu Lwin ishte shpallur e mbijetuar pasi u nxor nga rrënojat e pallatit 12-katësh Sky Villa, por fatkeqësisht ndërron jetë menjëherë pas shpëtimit.

Numri i viktimave nga tërmeti të premten e 28 marsit ka arritur në 1700, me 3400 të lënduar dhe 300 të zhdukur. Mianmari, që po kalon një periudhë të vështirë për shkak të një lufte civile të gjatë, po përballet me një krizë të madhe humanitare, ndërsa shpëtimet vazhdojnë të ndeshen me vështirësi.