Në një intervistë të sinqertë në “The Dalina Show”, aktori dhe moderatori Olsi Bylyku foli pa doreza për situatën e krijuar rreth tij dhe Egli Takos gjatë Big Brother VIP.

Gjatë bisedës, moderatorja Dalina Buzi e vuri Olsin përballë realitetit të komenteve të rrjetit, duke i thënë:
“Ti je zgjuar një ditë me komente ‘i mallkuar qofsh’ dhe të nesërmen me ‘lum si ti’”, duke iu referuar debatit publik mbi deklaratat e tij për Eglin.

Olsi pranoi se kishte menduar për ndikimin e kësaj situate, por ajo që e çuditi më shumë ishte një detaj tjetër:
“Ajo që më shqetësoi më shumë ishte fakti që nuk kishte asnjë koment për partneren time aktuale.”

Ai theksoi se megjithëse çdo diskutim ndalonte te historia e tij e mëparshme, askush nuk kishte përmendur njeriun që ka pranë sot.
“Kam shumë respekt dhe mirënjohje për atë gocën dhe i uroj fitoren,” tha Olsi, duke lënë të kuptohet se ndonëse vëmendja ishte fokusuar në të kaluarën, ai e çmon dhe e respekton partneren e tij të tanishme.

“Me veten time kam thënë: Si nuk shkroi njeri për partneren time aktuale? Pastaj mendova që nuk ka problem, se mirënjohjen ia shpreh vetë”, përfundoi ai.