Një aksident rrugor është regjistruar rreth orës 05:00 të mëngjesit në afërsi të fshatit Sovjan, Maliq, ku janë përfshirë një autoambulancë dhe një automjet tjetër.

Si pasojë e përplasjes, ka mbetur i plagosur një shtetas që udhëtonte në automjetin e vogël. Sipas të dhënave paraprake, i plagosuri është jashtë rrezikut për jetën.

Përplasja ka qenë e fortë, duke shkaktuar dëme të konsiderueshme materiale në të dyja automjetet.

Në vendngjarje kanë mbërritur strukturat përkatëse, ndërsa pritet që grupi hetimor të përcaktojë rrethanat dhe shkaqet e aksidentit.