“Ndjeja e të qenit në terrorin e një kontrolli, nuk i bën keq botës tonë universitare. Beso dhe mos kontrollo, nuk jemi akoma në këtë fazë. Para 7-8 vitesh kishim një situatë katastrofike dhe u detyruan të nxjerrim jashtë sistemi 18 universitete. Për rankimin ne duam ta bëjmë bashkarisht, të ndërtojmë rrugën se mbi të cilin model do të bazohemi dhe çfarë modelesh do të kombinojmë. Patjetër edhe si do të bëhet dhe kush do ta bëjë që të mos ndodhi të bëhemi tre palë shqiptarë që nuk merren vesh me njëri-tjetrin. Edhe me rankimin mund të ndërtojmë një strukturë, fleksibël, transparente dhe të pavarur, . këtë lloj arbitri është me rëndësi ta pranojnë lojtarët. Jeni të mirëseardhur të jepni sugjerime. Edhe për akredimitin do të ishte mirë që secili prej jush t’i bëjë me shkrim në mënyrë që ketë përgjigje,. Sa i përket diferencimit, kam pasur qasje ndryshe nga çfarë vendosën reformatorët. Diferencimi midis universiteti publike dhe jo publike është i madh dhe i padrejtë, por si kryetar i PS , këtu ndalem. Por nëse do kemi sistem të jetë i garantuar nga certifikimi i standardeve, kjo diferencë duhet ngushtuar. Dihet që ata vijnë në Universitete private janë njerëz që kanë mundësi, por mendoj që diferenca është e madhe. Nëse sistemi do konsolidohet, do jetë cilësia, transparenca dhe eficenca do duhet të rishikohet gjithë skema. Ne dimë kush bën çfarë, një pjesë e madhe janë po ata pedagogë. Nëse do të arrijmë këtë sistem duhet të ndryshojmë dhe konceptet. Publike dhe jopublike është ndarje. Nga shërbimi publik duhet të kërkojmë maksimumin njësoj dhe atëherë duhet të ngushtojmë diferencimin, për t’i dhënë më shumë mundësi ekselencës dhe cilësisë”, tha ai.