Një 28-vjeçar shqiptar, Denis Loka, është vrarë me thikë në Greqi nga dy kushërinjtë e tij, të cilët janë vëllezër të moshës 17 dhe 19 vjeç. Sipas mediave greke, ngjarja ka ndodhur rreth orës 22:50, kur efektivët e Policisë Rrugore, duke lëvizur drejt Patisionit, kanë parë trupin e 28-vjeçarit të rrëzuar në rrugë.

Ai u transportua me urgjencë në spitalin Evangelismos, por fatkeqësisht nuk mundi të mbijetojë dhe ndërroi jetë. Pas ngjarjes, dy vëllezërit, Enis Loka, 17 vjeç, dhe Aleksandros Loka, 19 vjeç, janë paraqitur vetë në komisariat. Enis ka pranuar se ishte ai autori i krimit, ndërsa Aleksandros ka qenë bashkëpunëtor në këtë akt.

Dy vëllezërit kanë deklaruar se viktima i kishte dhunuar dhe abuzuar me ta, gjë që çoi në ngjarjen tragjike.