Pas largimit nga shtëpia e “Big Brother Vip”, G Bani vijon të jetë shumë aktiv në rrjetet sociale. Së fundmi, një postim i tij ka tërhequr vëmendjen e ndjekësve, pasi ai ka publikuar një foto krah Xheneta Fetahut, ish-partneres së Gjestit.

Në këtë postim, ai ka uruar për 17-vjetorin e Pavarësisë së Kosovës, por ajo që ka bërë bujë është prania e Xhenetës në foto. Nuk dihet ende nëse ata kanë pasur njohje të mëparshme apo nëse kjo është thjesht një rastësi e lidhur me festën e pavarësisë.

Kujtojmë se G Bani u eliminua nga BBV me zarf të zi, pasi ushtroi dhunë ndaj Gjestit gjatë një loje rezistence. Pas daljes, ai është shfaqur i penduar për veprimin e tij, duke kërkuar falje publike.

A është kjo një rastësi apo një sinjal për një miqësi të re? Mbetet për t’u parë!