Adriatik Lapaj, i ftuar në emisionin “Të Pashoq”, deklaroi se në zgjedhjet e 11 majit synon të marrë 71 mandate, duke theksuar se nuk i përket politikanëve që bëjnë pazare në tavolina për ndarjen e mandateve.

“Nuk i përkas atyre politikanëve që i bëjnë llogaritë me blerje votash, nuk jam rraqexhi. Kam hyrë për të fituar në zgjedhje, për 71 mandate,” – u shpreh ai.

Lapaj theksoi gjithashtu se pas zgjedhjeve nuk do të ketë asnjë bashkëpunim me asnjë nga figurat e vjetra politike, përfshirë Edi Ramën, Sali Berishën dhe Ilir Metën.

“Nuk jam politikan rraqexhi që ulen në tavolina dhe ndajnë mandatet. Kam hyrë për të fituar. Synoj 71 mandate. E kam shumë seriozisht, një ditë do të fitojmë. Nëse qytetarët e shesin votën e tyre, në qafë paçin veten,” – deklaroi ai.

Lapaj ka bërë thirrje për një ndryshim të vërtetë në politikën shqiptare, duke u distancuar nga praktikat e vjetra dhe duke kërkuar mbështetje të drejtpërdrejtë nga qytetarët.