Kryetari i Komisionit Qendror të Zgjedhjeve, Ilirjan Celibashi, në një konferencë me gazetarët, bëri publike afatet e regjistrimit të partive politike dhe koalicioneve për zgjedhjet e përgjithshme të 11 majit.

Afatet kryesore të procesit zgjedhor:

🔹 25 shkurt 2025 – Përfundon afati për regjistrimin e partive politike si subjekte zgjedhore dhe i komiteteve nismëtare.
🔹 7 mars 2025 – Afati i fundit për depozitimin e kërkesave për regjistrimin e koalicioneve.
🔹 12 mars 2025 – Përfundon afati për dorëzimin e listave shumëemërore të kandidatëve.
🔹 17 mars 2025 – Afati për verifikimin e dokumenteve të kandidatëve.
🔹 25 mars 2025 – Përfundon afati i miratimit të listave shumëemërore.

Celibashi nënvizoi se këto afate janë të pandryshueshme dhe çdo parti apo koalicion duhet të respektojë rregullat e përcaktuara nga KQZ për të marrë pjesë në zgjedhje.