Nënkryetari i Partisë së Lirisë, Agim Nesho, është shprehur se armiqtë e vetëm të PL-së janë ata njerëz që shtyhen nga qeveria për të kapur këtë forcë politike dhe për të prishur demokracinë. Nesho i bëri këto komente në një emision televiziv, duke theksuar se politika anti-kombëtare e Ramës dhe ata që e mbështesin janë armiqtë kryesorë të PL-së. Ai gjithashtu tha se në Konventën e PL-së do të njihen fraksionet brenda partisë dhe mendimi ndryshe.
“Ka dy gjëra, që neve, zonja Kryemadhi ashtu si edhe lideri i partisë, zoti Meta, janë themelues të Partisë së Lirisë dhe kanë vendin e tyre në politikë. Partia e Lirisë në këtë Konventë do të pranojë fraksionet dhe mendimin ndryshe.
Armiqtë e vetëm të PL-së janë pikërisht ata njerëz që shtyhen nga regjimi për të kapur partinë, për të prishur demokracinë në Shqipëri dhe për të kapur çdo gjë.
Armiqtë kryesorë të PL janë pikërisht politika anti-kombëtare e Ramës dhe njerëzit që e mbështesin në një veprimtari të tillë. Të tjerat janë propagandë e rilindjes. Mesazhet që Meta ka dhënë kanë qenë të drejta, pavarësisht mënyrës së përcjelljes së tyre”, tha Nesho.
