Agjencia e Trajtimit të Pronave (ATP) njoftoi se më datë 13 dhjetor 2023, se ka përfunduar procesin e shqyrtimit për 59 kërkesa për kompensim në kuadër të këstit të parë, të dytë, të tretë, të katërt dhe të pestë. Këto kërkesa përfitojnë një total prej 70% të vlerës totale të miratuar me VKM-të përkatëse.

“Fondi financiar që shpërndahet nga ATP për këto 59 kërkesa është në vlerën: 115 936 119,84 lekë (njëqind e pesëmbëdhjetë milion e nëntëqind e tridhjetë e gjashtë mijë e njëqind e nëntëmbëdhjetë presje tetëdhjetë e katër),” njofton ATP. Agjencia gjithashtu informon subjektet e interesuara se vlerat për secilin përfitues do të jenë të disponueshme në llogaritë e tyre në bankat e nivelit të dytë, pas përfundimit të procedurave të transfertave bankare në ditët në vazhdim.