Këngëtarja e njohur nga Kosova, Shkurte Gashi, ka dhënë një intervistë ku shfaqet përkrah burrit të saj, Albert Limani, dhe fëmijëve të tyre. Në këtë bisedë, Gashi ndau mendime mbi jetën si nënë, marrëdhënien me Albertin, si dhe miqësinë e saj me Shyhrete Behlulin.

Një nga temat e bisedës ishte keqkuptimi që ndodhi me artistin Flori Mumajes, i cili i kishte shkaktuar disa tensione mes tyre. Ajo shprehu mungesën e tij, duke thënë: “Ai njeri le që më po më mungon mu, po besoj po i mungon krejt Shqiptarisë. Besoj se ai është lodh dhe ka nevojë me pushu, uroj shumë shpejt rikthimin e tij.” Gashi shprehu dëshirën për të vazhduar bashkëpunimin me Flori, duke theksuar se ka shumë projekte të planifikuara.

Ajo gjithashtu shpjegoi se nuk ka pasur kontakt me Flori që nga ditëlindja e djalit të saj, Bruno, dhe se nuk kishte ditur për një rast të rëndësishëm familjar që ndodhi me të. “Unë nuk jam lajmëru për një rast familje që ai ka pas, nuk e kom ditë dhe të betohem që nuk e kam ditë. Unë nuk e kam telefonu, ka pasur hatërmbetje nga ana e tij,” tha Gashi.

Këngëtarja përfundoi duke shpresuar për mirëqenien e Florit, duke theksuar se muzika e tij ka lënë gjurmë të mëdha në skenën shqiptare dhe se e gjithë Shqipëria e ndjen mungesën e tij.