Një aksident auto-mobilistik ka ndodhur në fshatin Vithkuq në Korçë mbrëmjen e sotme. Një automjet tip “Citroen” ka dalë nga rruga pasi drejtuesi humbi kontrollin.
Për pasojë dy persona mbetën të lënduar, Z.H., 66 vjeçe dhe Y.H., 42 vjeçe, banuese në fshatin Panarit. Të dy këto shtetase ishin pasagjere në automjet dhe u dërguan në spitalin e Korçës ku janë nën kujdesin e mjekëve.
Njoftimi i Policisë:
Korçë/Informacion paraprak
Mbrëmjen e sotme, në afërsi të fshatit Vithkuq, Korçë, shtetasi M. H., duke drejtuar automjetin tip “Citroen”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar shtetaset Z. H., 66 vjeçe dhe Y. H., 42 vjeçe, banuese në fshatin Panarit, pasagjere në këtë automjet, të cilat u dërguan për mjekim në spitalin e Korçës.
Me shtetasin M. H., po kryhen veprimet e mëtejshme procedurale.
Grupi hetimor po punon për zbardhjen e rrethanave të aksidentit.
