Një aksident automobilistik ka ndodhur paraditen e sotme në Vlorë. Dy automjete janë përplasur me njëra-tjetrën rreth orës 11:40 në aksin rrugor “Vlorë-Zvërnec”.
Automjeti tip “Benz” me drejtues shtetasin D. B., 19 vjeç, është përplasur me një tjetër automjet tip “Benz”, me drejtues një shtetas 17 vjeç. Si pasojë e përplasjes, janë dëmtuar 17-vjeçari dhe pasagjerja në automjetin e tij, të cilët janë në kujdesin e mjekëve.
Në vendngjarje ka mbërritur policia, e cila ka nisur hetimet për shkaqet e aksidentit. Mësohet se përplasja ka qenë shumë e fortë dhe 3 gjimnazistët e dëmtuar, dy djem dhe një vajzë, janë dërguar me urgjencë në spital.
