Një aksident tragjik me vdekje ka ndodhur në Rozhajë të Malit të Zi mbrëmjen e djeshme, ku si pasojë kanë humbur jetën dy shqiptarë nga Kosova. Mediat malazeze raportojnë se çifti që humbi jetën është identifikuar si Benjamin Lajçi, 29 vjeç nga Peja, dhe bashkëshortja e tij, 28-vjeçarja Sabina Lajçi.
Në përkujtim të kësaj ngjarjeje tragjike, kryetari i Komunës së Rozhajt, Rahman Husoviq, ka shpallur 20 tetorin si ditë zie. Ai shprehu ngushëllimet e tij për familjet e viktimave, duke theksuar se “komuniteti ynë u përball me një humbje të madhe”. Husoviq u shpreh se dhimbja e këtij aksidenti është e ndjerë thellë nga të gjithë.
