Një aksident i rëndë ka ndodhur në aksin Fushë Krujë-Thumanë, afër Dervenit, ku dy automjete janë përplasur.

Një Mercedes me targa italiane, që drejtohej nga shtetasi me iniciale E. B., është përplasur me një Ford, që drejtohej nga shtetasi me iniciale V. D.

Si pasojë e aksidentit, një nga shoferët është dëmtuar dhe është transportuar në spitalin Trauma në Tiranë.

Ndërkohë, shoferi tjetër është dërguar në qendrën shëndetësore të Fushë Krujës, pasi ndodhet në gjendje shoku. Fordi ka përfunduar mbi mbrojtëset metalike të rrugës.