Një aksident i rrallë ndodhi sot në afërsi të zyrës së Kryeministrit. Mjeti që lëvizte me shpejtësi humbi kontrollin dhe përfundoi në trotuar, duke goditur një çift të rinjsh.

Lajmi është konfirmuar për BalkanWeb nga gazetari Igli Çelmeta. Pamjet nga vendi i ngjarjes tregojnë praninë e ambulancës dhe policisë. Automjeti, një “Benz”, lëvizte me shpejtësi të lartë në rrugën që lidhte liceun me kryqëzimin e RTSH dhe nuk arriti të frenonte në kohë, duke përplasur çiftin. Ndërkohë, vajza e cila ishte pjesë e çiftit ndodhet në gjendje të rëndë për jetën. Informacionet e para tregojnë se në mjet ishin dy djem.

Deri tani, nuk dihen rrethanat e sakta të aksidentit, por policia është duke hetuar ngjarjen për të gjetur më shumë detaje.