Një aksident i rëndë ndodhi mbrëmjen e djeshme në aksin rrugor “Berat-Fier” ku makina ka përplasur një këmbësor i cili ka ndërruar jetë në vend.
Viktima është një prej punonjësve që po kryente punimet e rrugës në vendin e quajtur Velmish, dhe me banim në Tiranë.
Drejtuesi i mjetit shtetasi me inicialet T.H, 58-vjeç fillimisht u largua nga vendi i ngjarjes, por më pas arrit që të kapej nga policia.
Siç edhe shihet në foton e mëposhtme, mjeti që drejtohej nga 58-vjeçari ka përfunduar i shkatërruar.
Njoftimi i policisë:
Në datë 28.06.2022, rreth orës 23:00, në fshatin Velmish, Roskovec, shtetasi T. H., 58 vjeç, banues në Berat, duke drejtuar automjetin tip “Peugeot” ka aksidentuar me pasojë vdekjen dhe është larguar nga vendngjarja, shtetasin M. L., 45 vjeç, banues në Tiranë(punonjës i një firme që meret me sinjalistikën rrugore).
Drejtuesi i mjetit u kap dhe u shoqërua në ambientet e Policisë.
Grupi hetimor po punon për zbardhjen e rrethanave të aksidentit.
