Një aksident i rëndë ka ndodhur sot rreth orës 12:00 në aksin kombëtar Peqin-Rrogozhinë, pranë fshatit Karinë.
Burime nga vendngjarja bëjnë me dije se në aksident janë përfshirë dy automjete, ku përplasja ka qenë e fortë, duke bërë që një prej mjeteve të dalë jashtë rruge. Si pasojë, tre persona kanë mbetur të plagosur dhe janë dërguar me urgjencë për mjekim në Spitalin e Peqinit.
Policia ndodhet në vendngjarje dhe po punon për të zbardhur shkaqet e aksidentit dhe përcaktimin e përgjegjësive.
