Një aksident i rëndë ka ndodhur mëngjesin e sotëm në aksin Rubik-Rrëshen ku një person ka humbur jetën. Mësohet se viktimë nga përplasja e dy mjeteve ka mbetur polici Gezim Lazri, i cili sapo kishte lënë shërbimin.

Në aksident u përfshi makina që drejtohet nga polici dhe një me targa te huaja . Shkak për përplasjen dyshohet të jetë bërë manovra e gabuar e mjetit me targa të huaja.

Sakaq policia ka nisur punën për zbardhjen e rrethanave të aksidentit.

Njoftimi i policise:

Mirditë/Informacion paraprak

Rreth orës 07:20, në aksin rrugor Rrëshen-Rrubik, automjeti tip “Chevrolet” me drejtues shtetasin malazez M. F., është përplasur me automjetin tip “Benz” me drejtues shtetasin G. L. 56 vjeç, (efektiv policie pranë Komisariatit të Policisë Mirditë i cili sapo kishte lënë shërbimin dhe po kthehej në banesë).

Si pasojë e këtij aksidenti, ka humbur jetën punonjësi i policisë shtetasi G. L.

Ndërsa drejtuesi i automjetit tjetër shtetasi M.F., ndodhet në spital për ndihmë mjekësore.

Paraprakisht, dyshohet se shkaku i aksidentit rrugor ka qenë parakalimi i gabuar në shkelje të rregullave të qarkullimit i automjetit tip “Chevrolet” që drejtohej nga shtetasi M.F.

Grupi hetimor ndodhet në vendin e ngjarjes dhe nën drejtimin e Prokurorit, vijon hetimet për zbardhjen e plotë të rrethanave dhe shkakut të aksidentit.